DAkroury
فواعد الحياة في مصر

mrmr87:

قواعد الحياة في مصر الأربعون

1- أعمل عبيط
2- أركب دايمًا في الميكروباص في الكنبة الثالثة، الكرسي اللي على الشمال
3- متحطش مزيل عرق لو هتركب المترو الصبح، شم ريحة عرقك أحسن ما تشم في عرق غيرك
4- متتجوزش
5- لو لازم يعني، أتجوز واحدة بتعرف تلعب بلاي ستيشن، وتعرف الفرق بين رونالدو وكريستيانو رونالدو على الأقل.
6- لو أنتِ بنت متمشيش في الشارع لوحدك بعد الساعة 9، ولا قبل الساعة 9
7- ما تخلفوش
8- خلاص خلفتوا، بيعوا عيالكم وهما صغيرين
9- متاكلوش من محلات نضيفة، معدتكوا مش متعودة على كدة
10- سافروا برة نطاق العاصمة الكئيبة، سينا مثلًا.. اه صحيح نسيت إرهاب، أسوان.. ممم حرب أهلية، الواحات.. تتخطفوا!!
11- للأسف مفيش في مصر غير 3 أشخاص عايشين عيشة سوية.. أنت مش منهم
12- كل محشي كثير
13- أكل أمك محدش هيقدر قيمته غير أصحابك بتوع السرمحة في الشوارع
14- ما تشتغلش في الحكومة أو القطاع العام، مفيش مرتبات
15- ما تشتغلش في شركة مالتي ناشيونال، مفيش أجازات
16- ما تشتغلش في شركة لوكال، مفيش الاتنين
17- ابدأ مشروعك الخاص، أتعلم تفتح مطوة وأمسك سور مدرسة الثانوي بتاعة شارعكم، أو أفتح سايبر ومتقولش لصحابك مكانه عشان هتخسر أكثر ما هتكسب
18- ما تشربش مية من الحنفية علطول، معفنة
19- ما تشربش مية معدنية، مغشوشة
20- ما تشربش من نيلها، عشان شيرين متذلش أبو اللي خلفوك
21- ما تشربش قهوة وتسمع فيروز، احنا مش راكبين التليفريك في لبنان بروح أمك
22- ما تشربش قهوة وتسمع أم كلثوم، احنا مش في الستينات
23- اسمع مهرجانات عشان تقدر تتعايش مع الواقع
24- متدخلش هندسة، البنات هناك وحشة
25- متدخليش طب العيال هناك معقدة وكلهم عايشين دور العميق
26- عامة متدخلوش كليات قمة، احنا عايشين في القاع أصلًا
27- احفظ الحكم والمواعظ اللى على ظهر التكاتك والميكروباصات، عشان تعرف تكتب زيها لما تشتغل على واحد
28- أبوك ميعرفش كل حاجة
29- ما تحاولش ترفه عن نفسك وتدخل سينما مصرية، السينما أصلًا حرام
30- مفيش صاحب يتصاحب
31- شجع الأهلي عشان ميجيلكش الضغط
32- ما تتفرجش ع التليفزيون عشان ميجيلكش السكر
33- ما تسألش حد تروح فين منين
34- نام بدري وأصحى متأخر.. البلد مفيهاش حاجة تفوتك
35- أتفرج كل سنة على انتخابات الرئاسة بتضحك فشخ
36- حاول متدخلش الجيش، ولا أي حمام عمومي، الاتنين ريحتهم وحشة
37- ما تتجوزش، ما تتجوزش، ما تتجوزش
38- ما تخلفش، ما تخلفش، ما تخلفش
39- ما تشتغلش، ما تشتغلش، ما تشتغلش
40- امشي من هنا في أسرع وقت

رقم 24 فشخت الجرح

شوية هلس على المسا


Love Food? This blog is for you.

dakroury:

في ناس بتقول الحاجات المشتركة هي اللي بتنجح أي علاقة
الحاجات المشتركة مهمة مفيش كلام .. بس لو الحياة كلها هات وخد كده تبقى حياة كئيبة ومملة
بعض التضاد بيخلي في نوع من الحيوية في العلاقة
التحدي ,المنافسة, الإختلافات اللي بتكمل بعض.. كل ديه حاجات بتخلي الحياة تتجدد
الحاجات المشتركة هي الشرارة الاولنية ممكن بس مش على طول
في ناس مقدر ليها إنها تحب بعض مهما كانت الإختلافات بينهم
بس الإختلافات ديه بتلعب دور في إن كل طرف بيحاول يوصل للتاني فديما في اكشن في الحياة وديما في مناقشة وديما في محاولة عشان كل طرف يثبت انه بيبذل مجهود سواء في الإقتناع أو الإقناع عشان بيحب التاني
اختلفوا

وعلى فكرة.. العشم ده حاجة بنت وسخة